Støtte til hovudtribuneprosjektet
09.12.2009 08:39:45
Formannskapet i Årdal kommune vedtok i tysdag å støtte hovudtribuneprosjektet på Jotun stadion med kr 500 000. Årdal FK takkar for støtten.
Hovudtribuna på Jotun stadion vil for fyrste gong på 30 år få ein skikkeleg oppgradering, dersom me får finansieringa i orden. Med vedtaket i formannskapet i går, er det fall ei viktig brikke på plass.
Planane inneheld 1000 sitteplassar under tak, samt toalett og kioskfasilitetar i den noverande speakarbui. Det vil kome ei ny speakarbu midt på hovudtribuna. I tillegg vil fridretten ha speakarbu ved målgang på løpebana.
For å få dette prosjektet i hamn er me avhengige av å få til ein avtale med ein hovudtribunesponsor. Me håpar at dette skal vera på plass før jul.
I so fall vil det bli ein skikkeleg julepresang til alle idrettsinteresserte.
Me vil også takke det politiske miljøet i Årdal for vedtaket og rask saksgang. Tusen takk!
Geir Kjetil Øvstetun
Leiar ÅFK